Қазақта құрмет-қошемет өзінің болмысымен, азаматтығымен әр түрлі салада ерен іскерлік көрсеткен, еңбегін сіңірген үлгі-өнеге болған адамдарға лайық. Дәл осындай марапаттардың бірі "Құрметті профессор" атағы саумал өнімін өндіруші, "BB Partners" ЖШС бас директоры Аманбаев Болат Бисенғалиұлына берілді.
Қазақ Ұлттық Аграрлық зерттеу университетінің Ғылыми кеңесінің шешімі бойынша берілген марапатты Болат Бисенғалиұлына университет қабырғасында өткен іс-шарада ғылыми жұмыстар және халықаралық байланыстар жөніндегі проректоры Есенбай Исламов табыс етті.
«Қазіргі таңда төрт мемлекетте біздің кеңселеріміз бар. Және біз ол елдерде де жұмысымызды қарқынды түрде жүргізудеміз», - деп Болат Бейсенғалиұлы компанияның халықаралық аренадағы маңыздылығын атап өтті.
Компанияның ең басты артықшылықтарының бірі - компанияның өзінің мал шаруашылығы бар. Жылқыны сауғаннан бастап, өнімді сатқанға дейін ешқандай делдал жоқ. Компания осы жобаны басқа біреулердің қатысуынсыз толықтай өзі жасайды.
Сөз соңында компания басшысы университет зертханасымен бірлесе отырып көптеген жобалар жасау ойда бар екенін және ол жобаларды жүзеге асыруға дайын екендігін де жеткізді.
Кез-келген ел қарапайым еңбек адамын бағалау арқылы ғана қоғамды тұтастырып, адам капиталын арттыра алады.
Саумал компаниясының ұжымы Болат Бисенғалиұлын жоғары марапатымен шын жүректен құттықтайды!
