NEO SAUMAL – адам ағзасына жан-жақты оң әсер ететін шипалық қасиеттерге бай өнім. Ол иммунитетті күшейтіп, әлсіреген ағзаның қалпына келуіне көмектеседі, қандағы холестерин деңгейін төмендетуге жәрдемдесе отырып, ұзақ шаршау мен күйзелістің алдын алады. Сонымен қатар зат алмасуды жақсартып, ағзаны зиянды токсиндер мен шлактардан тазартады. Асқорыту жүйесіне қатысты жиі кездесетін аурулар кезінде маңызды рөл атқарады. NEO SAUMAL – денсаулықты нығайтып, өмірлік күш-қуатты арттыруға бағытталған кешенді түрдегі емдік-диеталық, профилактикалық өнім.

Біз капсула түрін таңдадық, себебі бұл форма өнімнің барлық құнды қасиеттерін сақтауға мүмкіндік береді, сонымен қатар қабылдауға ыңғайлы әрі мөлшерлеуді дәл есептеуге жол ашады. Капсула — белсенді құрамдастарды сыртқы әсерлерден қорғайды, сақтау мерзімін ұзартады және тұтынуға барынша жайлы: қосымша әрекеттерсіз, кез келген уақытта, кез келген жерде ішуге болады. Бұл – қазіргі замандағы қарқынды өмір ырғағына және сапаға қойылатын жоғары талаптарға сай келетін заманауи әрі технологиялық шешім.

Бие сүті — құнарлылығы жоғары, адам ағзасына ерекше пайдалы өнім. Алайда оны өндіру үлкен жауапкершілік пен ерекше тәсілді талап етеді. Бір бие тәулігіне орта есеппен 10 литрдей сүт береді. Біз неміс стандарттарына сай жануарларға жанашырлықпен қарау қағидатын ұстанамыз: әр биеден күніне бар болғаны 3 литрдей ғана сауамыз, қалғанын құлынына қалдырамыз. Бұл — бие мен құлынның саулығын сақтауда маңызды рөл атқарады. Сүтті өңдеу процесі өте күрделі әрі ресурстарды көп қажет етеді. 10 литр шикі сүттен небәрі 1 келіге жуық сублимацияланған ұнтақ алынады. Біз сүттің құрамындағы дәрумендер, аминқышқылдары мен биологиялық белсенді заттар барынша сақталуы үшін заманауи неміс сублимациялық құрылғыларын қолданамыз. Бір өндірістік цикл шамамен 50 сағатқа созылып, барлық кезеңде температура мен қысымның тұрақты әрі дәл бақылауын талап етеді, сондай-ақ көп энергия тұтынады. Дайын өнім шыны банкаларға салынады. Шыны – өнім құрамымен реакцияға түспейтін, жарықтан қорғайтын қауіпсіз материал. Ал ішіндегі силикагель ылғалдылықты 3% көлемінде ұстап тұрып, өнімнің дәмін, балғындығын және пайдалы қасиеттерін сақтауға көмектеседі. Сондықтан біздің өнім — жай ғана құрғақ сүт емес, саумалдың барлық пайдасын өз бойына жинаған, еуропалық жоғары стандарттарға сай өндірілген табиғи концентрат.

Сублимация процесі бірнеше кезеңнен тұрады. Бір поддонға сублимациялық аппаратқа 3,5 литр бие сүті құйылады. Аппарат ішінде 100 поддон орналастырылады. Құрылғы іске қосылғаннан кейін бірінші кезең басталады — вакуумдау, яғни төмен қысымдағы құрғату камерасында ауа шығарылып алынады. Екінші кезең — өнімді тез мұздату. Бір сағат ішінде өнім –55 °C температурада қатты мұздайды. Үшінші кезеңде біртіндеп өнімді қыздыру жүзеге асады: 24 сағат бойы температура –55 °C-тан +35 °C-қа дейін көтеріледі. Бұл процесс кезінде сүттің ішіндегі ылғал буға айналып, сүт құрғақ ұнтаққа айналады — бұл әдіс сублимация деп аталады. Маңыздысы, құрғатылған ұнтақ құрамында 3%-ға дейін ылғал сақталады. Бұл өнімнің құндылығын толық сақтап, пайдалы микрофлораның бұзылуына жол бермейді.

Сублимацияланған бие сүтінің тиімділігі мен сапасы Қазақстанда және шетелде жүргізілген физика-химиялық және клиникалық зерттеулердің нәтижелерімен дәлелденген. Анализ нәтижелері көрсеткендей, сублимация технологиясы жаңа сүтке тән биологиялық белсенді заттар, дәрумендер мен микроэлементтердің толық спектрін сақтап қалуға мүмкіндік береді. Зерттеу қорытындылары туралы толық ақпаратты сайттағы арнайы бөлімнен оқи аласыз.

NEO SAUMAL құрамында адам организмі үшін қажетті 80-нен астам элементтер бар: кальций, омега-3, калий, фосфор, мырыш, темір, селен, магний және тағы басқалар. Сонымен қатар, бие сүтінде микро- және макроэлементтер, дәрумендер мен аминқышқылдары көптеп кездеседі. Оның ішінде 22-ден астам аминқышқылы бар, соның ішінде: лизин, треонин, валин, метионин, изолейцин, лейцин, фенилаланин, триптофан, лактоферрин және тағы басқа құнды заттар бар.

Ұсынылатын курс пен дозировка қандай? NEO SAUMAL дәрі-дәрмек емес және құрамында химиялық қоспалар жоқ, сондықтан оны денсаулыққа зиян келтірмей ұзақ уақыт қолдануға болады. NEO SAUMAL-ды қолдану курсының ұзақтығын біздің орталықтың мамандары әр адамға жеке, денсаулығының жағдайын ескере отырып анықтайды. Асқорыту жүйесі аурулары, буын мәселелері немесе иммунитетті нығайту үшін өнімді бірнеше ай бойы тұрақты түрде қабылдау ұсынылады. Ал алдын алу, денсаулықты жақсарту және қалпына келтіру мақсатында NEO SAUMAL-ды күніне кем дегенде 3 рет, тамақтан 20 минут бұрын немесе тамақтан кейін 1 сағат өткен соң, 1–2 капсуладан қабылдаған жөн. Бір капсулада 400 мг сублимацияланған бие сүті бар.

Өнімді сақтау үшін оны құрғақ, салқын әрі +5-тен +25 °C дейінгі температурада ұстау ұсынылады. Өнімнің жарамдылық мерзімі өндірілген күннен бастап 2 жылды құрайды. Осы мерзімнен кейін өнімді пайдалануға болмайды.

Зауытта 250 сауылатын бие бар.

Фермада бие күтімін қамтамасыз ететін білікті ветеринарлар, зоотехниктер және тәжірибелі қызметкерлер жұмыс істейді. Биелерге гормондар немесе стимуляторлар енгізілмейді, сондай-ақ арнайы азықтар берілмейді. Жылқылар Алматы облысының экологиялық таза таулы аймағында жайылады.

Зауыт Алматы облысы, Қарасай ауданы, Райымбек ауылы, 434А жер учаскесінде орналасқан. Бұл – табиғи, санитарлық және технологиялық талаптарға толық сай келетін заманауи өндірістік кешен.Кәсіпорында 20 000 гектар жерге тиесілі жайылымдар бар, бұл жылқыларды ұстау және жоғары сапалы шикізат өндіру үшін мінсіз жағдай жасайды.

NEO SAUMAL өнімін 3 жастан асқан балаларға қолдану ұсынылады. Ең басты шарт — бала капсуланы жұта білуі керек. NEO SAUMAL құрамында биологиялық белсенді заттар бар, олар ішек микрофлорасын жақсартып, баланың иммундық жүйесін қолдайды және ағзаның дұрыс дамуына ықпал етеді. Бұл өнім әсіресе жиі ауыратын, тәбеті төмен немесе иммунитеті әлсіреген балаларға пайдалы. Мысалы, саумалдағы табиғи С витамині қабыну процестерін азайтып, вирустар мен бактерияларға қарсы күресуге көмектеседі. Лактоферрин және лизоцим сияқты белоктар баланың ағзасындағы табиғи қорғаныс механизмдерін белсендіреді.

Сүт өнімдеріне сезімталдығы бар адамдарда жеке көтере алмаушылық белгілері байқалуы мүмкін, себебі бие сүті құрамында белсенді ақуыздар болады. Сондықтан өнімді аз мөлшерден бастап қабылдауды ұсынамыз.

NEO SAUMAL — ақуыздар, аминқышқылдар мен фолий қышқылына бай капсула түріндегі табиғи өнім. Бұл заттар іштегі нәрестенің дұрыс дамуы мен ананың денсаулығы үшін аса маңызды. Сондай-ақ өнім құрамында сүйек жүйесін нығайтатын кальций мен табиғи коллаген, иммунитетті көтеретін иммуноглобулин мен лизоцим бар. В тобының дәрумендері мен магний жүйке жүйесінің жұмысын жақсартып, ұйқыны реттейді. Бие сүті сиыр сүтіне қарағанда аллергия туғызу ықтималдығы әлдеқайда төмен, бұл өз кезегінде болашақ нәрестеде аллергияның пайда болу қаупін азайтады.

NEO SAUMAL — егде жастағы адамдар үшін өте құнды өнім. Оның құрамындағы триптофан аминқышқылы серотониннің — көңіл-күйді көтеруге, күйзелісті жеңілдетуге және ұйқыны реттеуге ықпал ететін «бақыт гормонының» — табиғи көзі болып саналады. Өнімді тұрақты қолданған зейнеткерлер ұйқысының жақсарғанын, тәбетінің артқанын және жалпы жағдайының оңалғанын байқайды. Сонымен қатар, NEO SAUMAL-дың пробиотикалық қасиеті асқорыту жүйесінің жұмысын жақсартып, қоректік заттардың сіңуін арттырады. Бұл егде жастағы адамдардың жалпы өмірлік қуатын, белсенділігін және сергектігін сақтауға септігін тигізеді.

NEO SAUMAL – құрамында май алмасуын реттеп, ағзадағы зиянды холестерин деңгейін төмендетуге ықпал ететін A, E, C және B тобы дәрумендерімен қатар, бірқатар пайдалы ферменттері бар табиғи өнім. С және E дәрумендері селен және мырыш сынды антиоксиданттармен бірге ағзадағы тотығу үдерістерін баяулатып, қан тамырларын холестериндік түйіндерден қорғайды. Сонымен қатар, бұл антиоксиданттар тамыр қабырғаларының иілгіштігін сақтауға көмектесіп, жүрек-қантамыр жүйесінің саулығын нығайтады. Өнім құрамындағы лецитин мен омега-3 май қышқылдары бауырда холестериннің ыдырауын жақсартып, оның тамырларда шамадан тыс жиналуына жол бермейді.

NEO SAUMAL гастрит кезінде асқазанға оң әсер етеді. Капсула еріген соң, ішіндегі сублимацияланған ұнтақ асқазанның шырышты қабатымен тікелей әрекеттесіп, емдік қасиетін көрсетеді. Оның құрамындағы белсенді компоненттер — лизоцим, лактоферрин, иммуноглобулиндер мен аминқышқылдар — зақымдалған аймақтарды анықтап, келесі тиімділіктерді қамтамасыз етеді:
• Қабынуды басады;
• Шырышты қабаттың қалпына келуін жеделдетеді;
• Асқазан қышқылынан қорғайтын табиғи қабат түзеді;
• Коллагеннің көмегімен микрожаралардың жазылуын қолдайды.
Шамамен 30–40 минут ішінде белсенді заттар қанға өтіп, бүкіл ас қорыту жүйесінің жұмысын жақсартады. Бұл өнім гастриттің белгілерін жеңілдетуге, асқазанның қорғаныс функцияларын қалпына келтіруге нақты көмек береді.

NEO SAUMAL құрамындағы аминқышқылдар, лактоферрин, табиғи пептидтер және микроэлементтер буын сұйықтығының қалыпты қызметін қамтамасыз етіп, шеміршек ұлпаларының жаңаруын ынталандырады. Сонымен қатар, құрамындағы лизоцим мен иммуноглобулиндер қабынуды азайтып, ауырсынуды жеңілдетеді. Тұрақты қабылдаған кезде буындардың қозғалысы жақсарып, таңертеңгі сіресіп қалу мен ісіну айтарлықтай төмендейді. Тәжірибе көрсеткендей, бұл өнім буын ауруларынан зардап шегетін адамдарға кешенді қолдау болып, олардың өмір сапасын арттыруға көмектеседі.